ཡོན་ཏན་གཞིར་འགྱུར་མ།
《功德本頌》
རྗེ་ཙོང་ཁ་པ།
宗喀巴大師 著
法尊法師 譯
ཡོན་ཏན་ཀུན་གྱི་གཞིར་གྱུར་དྲིན་ཆེན་རྗེ། ཚུལ་བཞིན་བསྟེན་པ་ལམ་གྱི་རྩ་བ་རུ།
ལེགས་པར་མཐོང་ནས་འབད་པ་དུ་མ་ཡིས། གུས་པ་ཆེན་པོས་བསྟེན་པར་བྱིན་གྱིས་རློབས།།
諸功德本謂恩師[1]，如理依止是道基，善了知已多策勵，恭敬親近祈加持。
ལན་ཅིག་རྙེད་པའི་དལ་བའི་རྟེན་བཟང་འདི། ཤིན་ཏུ་རྙེད་དཀའ་དོན་ཆེ་ཤེས་གྱུར་ནས།
ཉིན་མཚན་ཀུན་ཏུ་སྙིང་བོ་ལེན་པའི་བློ། རྒྱུན་ཆད་མེད་པར་སྐྱེ་བར་བྱིན་གྱིས་རློབས།།
偶一得此暇滿身，知極難得具大義，遍諸晝夜恒無間，生取堅心願加持。
ལུས་སྲོག་གཡོ་བ་ཆུ་ཡི་ཆུ་བུར་བཞིན། མྱུར་དུ་འཇིག་པའི་འཆི་བ་དྲན་པ་དང༌།
ཤི་བའི་རྗེས་སུ་ལུས་དང་གྲིབ་མ་བཞིན། དཀར་ནག་ལས་འབྲས་ཕྱི་བཞིན་འབྲང་བ་ལ།།
身命動搖如水泡，速疾壞滅當念死，死後如影隨於形，黑白業果恒隨逐。
ངེས་པ་བརྟན་པོ་རྙེད་ནས་ཉེས་པའི་ཚོགས། ཕྲ་ཞིང་ཕྲ་བ་རྣམས་ཀྱང་སྤོང་བ་དང༌།
དགེ་ཚོགས་མཐའ་དག་སྒྲུབ་པར་བྱེད་པ་ལ། རྟག་ཏུ་བག་དང་ལྡན་པར་བྱིན་གྱིས་རློབས།།
獲定解已於罪聚，雖諸小惡亦應除，勤修一切妙善聚，常不放逸祈加持。
སྤྱད་པས་མི་ངོམས་སྡུག་བསྔལ་ཀུན་གྱི་སྒོ། ཡིད་བརྟན་མི་རུང་སྲིད་པའི་ཕུན་ཚོགས་ཀྱི།
ཉེས་དམིགས་རིག་ནས་ཐར་བའི་བདེ་བ་ལ། དོན་གཉེར་ཆེན་པོ་སྐྱེ་བར་བྱིན་གྱིས་རློབས།།
受用無厭眾苦門，不可保信三有樂，見過患已當希求，解脫妙樂願加持。
རྣམ་དག་བསམ་པ་དེ་ཡིས་དྲངས་པ་ཡི། དྲན་དང་ཤེས་བཞིན་བག་ཡོད་ཆེན་པོ་ཡིས།
བསྟན་པའི་རྩ་བ་སོ་སོར་ཐར་བ་ལ། སྒྲུབ་པ་སྙིང་བོར་བྱེད་པར་བྱིན་གྱིས་རློབས།།
清淨意樂所引發，正念正知不放逸，聖教根本別解脫，修爲堅實祈加持。
རང་ཉིད་སྲིད་མཚོར་ལྷུང་བ་ཇི་བཞིན་དུ། མར་གྱུར་འགྲོ་བ་ཀུན་ཀྱང་དེ་འདྲ་བར།
མཐོང་ནས་འགྲོ་བ་སྒྲོལ་བའི་ཁུར་འཁྱེར་བའི། བྱང་ཆུབ་སེམས་མཆོག་འབྱོངས་པར་བྱིན་གྱིས་རློབས།།
如自沉沒三有海，慈母眾生悉如是[2]，見已荷度眾生擔，修菩提心願加持。
སེམས་ཙམ་བསྐྱེད་ཀྱང་ཚུལ་ཁྲིམས་རྣམ་གསུམ་ལ། གོམས་པ་མེད་ན་བྱང་ཆུབ་མི་འགྲུབ་པར།
ལེགས་པར་མཐོང་ནས་རྒྱལ་སྲས་སྡོམ་པ་ལ། བརྩོན་པ་དྲག་པོས་སློབ་པར་བྱིན་གྱིས་རློབས།།
發心若不學三戒，當知定不證菩提，故應勤發大精進，學菩薩戒祈加持。
ལོག་པའི་ཡུལ་ལ་གཡེང་པ་ཞི་བྱེད་ཅིང༌། ཡང་དག་དོན་ལ་ཚུལ་བཞིན་དཔྱོད་པ་ཡིས།
ཞི་གནས་ལྷག་མཐོང་ཟུང་དུ་འབྲེལ་བའི་ལམ། མྱུར་དུ་རྒྱུད་ལ་སྐྱེ་བར་བྱིན་གྱིས་རློབས།།
散馳邪境令寂滅，如理觀察真實義，寂止妙觀雙運道，速當生起願加持。
ཐུན་མོང་ལམ་སྦྱང་སྣོད་དུ་གྱུར་བ་ན། ཐེག་པ་ཀུན་གྱི་མཆོག་གྱུར་རྡོ་རྗེ་ཐེག །
སྐལ་བཟང་སྐྱེ་བོའི་འཇུག་ངོགས་དམ་པ་དེར། བདེ་བླག་ཉིད་དུ་འཇུག་པར་བྱིན་གྱིས་རློབས།།
善修共道成法器，乘中最勝金剛乘，諸善丈夫勝津梁，願速趣入祈加持。
དེ་ཚེ་དངོས་གྲུབ་རྣམ་གཉིས་སྒྲུབ་པའི་གཞི། རྣམ་དག་དམ་ཚིག་སྡོམ་པར་གསུངས་པ་ལ།
བཅོས་མ་མིན་པའི་ངེས་པ་རྙེད་གྱུར་ནས། སྲོག་དང་བསྡོས་ཏེ་སྲུང་བར་བྱིན་གྱིས་རློབས།།
爾時二種成就本，謂護淨律三昧耶，願獲真實決定解，捨命守護祈加持。
དེ་ནས་རྒྱུད་སྡེ་སྙིང་བོ་རིམ་གཉིས་ཀྱི། གནད་རྣམས་ཇི་བཞིན་རྟོགས་ནས་བརྩོན་པ་ཡིས།
ཐུན་བཞིའི་རྣལ་འབྱོར་སྤྱོད་ལས་མི་གཡེལ་བར། དམ་པའི་གསུང་བཞིན་སྒྲུབ་པར་བྱིན་གྱིས་རློབས།།
次正通達續部心，二次宗要善勤習，四座瑜伽不放漫，如師教修願加持。
དེ་ལྟར་ལམ་བཟང་སྟོན་པའི་བཤེས་གཉེན་དང༌། ཚུལ་བཞིན་སྒྲུབ་པའི་གྲོགས་རྣམས་ཞབས་བརྟན་ཅིང༌།
ཕྱི་དང་ནང་གི་བར་དུ་གཅོད་པའི་ཚོགས། ཉེ་བར་ཞི་བར་བྱིན་གྱིས་བརླབ་ཏུ་གསོལ།།
願說如是妙道師，及正修伴堅固住，內外一切諸障礙，速疾息滅祈加持。
སྐྱེ་བ་ཀུན་ཏུ་ཡང་དག་བླ་མ་དང་། བྲལ་མེད་ཆོས་ཀྱི་དཔལ་ལ་ལོངས་སྤྱོད་ཅིང་།
ས་དང་ལམ་གྱི་ཡོན་ཏན་རབ་རྫོགས་ནས། རྡོ་རྗེ་འཆང་གི་གོ་འཕང་མྱུར་འཐོབ་ཤོག།
願一切生不捨離，善師受用正法樂，圓滿道地諸功德，速證勝位金剛持。
